नीतिगत सुधार र सेवा प्रवाहमा सुधार : कृषिमन्त्रीको एक वर्षे कार्यकालको मुख्य उपलब्धि

तथा पशुपन्छी विकासमन्त्री रामनाथ अधिकारीले मन्त्रालयको नेतृत्व सम्हालेको एक वर्षको अवधीमा नीतिगत तथा संस्थागत सुधारमार्फत कृषकलाई प्रदान गरिने सेवा तथा सहुलियतमा क्रमिक सुधार आएको बताएका छन् ।
मन्त्रालयमा आज आयोजित पत्रकार सम्मेलनमा मन्त्री अधिकारीले एक वर्षभित्र भएका मुख्य उपलब्धिहरू सार्वजनिक गर्दै कृषि उत्पादन वृद्धि, आधुनिकीकरण, बजारीकरण र किसानको जीवनस्तर सुधारलाई मन्त्रालयको मुख्य प्राथमिकता बनाइएको बताए ।
उनले भने, “कृषि नेपालको अर्थतन्त्रको मेरुदण्ड हो । यसैले मन्त्रालयको सबै प्रयास कृषकको हित, उत्पादनशीलता वृद्धि र दीगो विकासमा केन्द्रित छ ।”

मुख्य उपलब्धिहरू यस प्रकार छन्
-रासायनिक मल व्यवस्थापनमा सुधार :- मल खरिद तथा वितरणसम्बन्धी नियमावली र कार्यविधिमा संशोधन गरी आपूर्तिमा सहजता ल्याउने प्रयास ।
-संरचनागत सुदृढीकरण :- कृषि सेवातर्फ १२९ नयाँ दरबन्दी थप, बीउबिजन नियमावली २०८१ स्वीकृत ।
-डिजिटल सुधार :- कृषि तथा पशुपन्छी विमा प्रणाली डिजिटल बनाइयो, बीउबिजनसम्बन्धी दर्ता, प्रमाणीकरण प्रक्रिया अनलाइनमार्फत ।
-अवरोधित उपकरण र कार्यक्रम सञ्चालनमा ल्याइयो :- थन्किएर बसेका खाद्य गुणस्तर परीक्षण मोबाइल भ्यान ४ वटा पुनः सञ्चालन ।
-नयाँ कानुनी संरचना :- कृषि विधेयक र राष्ट्रिय कृषि नीति अन्तिम तयारीमा, पशु कल्याण ऐन तयार ।
-पशुपन्छी रोग नियन्त्रण :- इलाममा खोरेत रोगमुक्त क्षेत्र घोषणा प्रारम्भ, पाँचवटा ल्याबमा LIMS प्रणाली सुरु ।
-रैथाने बाली प्रवर्द्धन :- ‘राष्ट्रिय कोदो दिवस’ र ‘याक दिवस’ मनाउन सुरु ।
-कृषक सम्मान र प्रेरणा :- ७ प्रदेशका १४ जना किसानलाई ‘राष्ट्रिय उत्कृष्ट किसान पुरस्कार’ वितरण ।
-नयाँ कार्यक्रम :- बाँदरलगायत वन्यजन्तु नियन्त्रण, सेक्सड सिमेन प्रविधि, प्राङ्गारिक कृषि प्रवर्द्धन, निर्यातमुखी उत्पादन प्रवर्द्धन ।
मन्त्री अधिकारीले कृषि अनुसन्धान परिषद्, चिया तथा कफी बोर्ड, पशु सेवा परिषद्का नेतृत्वमा योग्य व्यक्तिहरू नियुक्त गरिएको जानकारी पनि दिए ।
“हाम्रो प्रयासले कृषि प्रणालीलाई आधुनिक, व्यवसायिक र निर्यातमुखी बनाउँदै लैजान मद्दत गर्ने विश्वास लिएको छु।” मन्त्री अधिकारीले भने,