सशस्त्रका डीआईजी कालिदास धौवजी अवकाशमा

काठमाडौँ । सशस्त्र प्रहरी बलका नायव महानिरीक्षक (डीआईजी) कालिदास धौवजी अवकाशमा गएका छन् । सशस्त्र प्रहरीको प्रवक्ताको जिम्मेवारीबाट अनिवार्य अवकाशमा गएका धौवजीलाई शुक्रवार गृह मन्त्रालयका सचिव रामेश्वर दंगाल र सशस्त्रका आईजी राजु अर्यालले बिदाइ गरे ।

गृहसचिव दंगालले हलचोक स्थित सशस्त्रको हेडक्वार्टर निरीक्षणको क्रममा धौवजीको बिदाइ गर्दै अवकाशपछिको जीवन सुखमय रहोस् भनेर शुभकामना व्यक्त गरे । धौवजी ३० वर्षे सेवा अवधि पुरा गरेर अनिवार्य अवकाशमा गएका हुन् ।

उनी २०५२ असोजमा नेपाल प्रहरीमा प्रवेश गरेर सशस्त्रतर्फ स्थानान्तरण भएका थिए ।