बुटवल : भूमि व्यवस्था, सहकारी तथा गरिबी निवारण मन्त्री बलराम अधिकारीले सहकारीमा नराम्रा मात्र नभएको बताए। सहकारी प्रशिक्षण तथा अनुसन्धान केन्द्र नयाँ बानेश्वर काठमाडौंले शनिवार कपिलवस्तुमा आयोजना गरेको स्थानीय तहका पदाधिकारी, कर्मचारी तथा सरोकारवाला निकायसँग सहकारी नियमन तथा प्रवर्द्धन सम्बन्धी अन्तरक्रिया कार्यक्रममा उनले सहकारीबारे नराम्रो मात्र प्रचार गरेर नागरिकमा भ्रम नछर्न आग्रह गरेका हुन्।
