वीर अस्पतालका करार कर्मचारीलाई दशैं खर्चदेखि सेवा विस्तार भत्तासम्म सुविधा
काठमाडौं : वीर अस्पतालमा कार्यरत करार सेवाका कर्मचारीहरू अबदेखि दशैं खर्च सुविधा, महँगी भत्ता, पोशाक भत्ता र ५० प्रतिशत सेवा विस्तार भत्ता पाउने भएका छन्।
अस्पताल प्रशासनका अनुसार लामो समयदेखि करारमा काम गर्दै आएका स्वास्थ्यकर्मीहरूले स्थायी कर्मचारी सरह सुविधा पाउनुपर्ने माग गर्दै आएका थिए। सोही मागलाई सम्बोधन गर्दै अस्पतालले यस वर्षदेखि उनीहरूलाई दशैं खर्चका साथै नियमित रूपमा महँगी भत्ता र पोशाक भत्ता उपलब्ध गराउने निर्णय गरेको हो।
यसबाहेक, सेवा विस्तारका क्रममा थप कामको बोझ व्यहोर्नुपर्ने अवस्थालाई ध्यानमा राख्दै करार कर्मचारीलाई ५० प्रतिशत सेवा विस्तार भत्ता पनि दिने निर्णय गरिएको अस्पतालले जनाएको छ।
करार सेवामा रहेका कर्मचारीले यस निर्णयलाई स्वागत गरेका छन्। उनीहरूले यो कदमले मनोबल उच्च हुने र सेवाको गुणस्तरमा पनि सुधार आउने विश्वास व्यक्त गरेका छन्।
वीर अस्पताल प्रशासनका अनुसार सुविधा वितरण सम्बन्धी कार्यविधि तयार पारिसकेको छ र आगामी महिना देखिनै उक्त सुविधा लागू हुने बताइएको छ।
