काठमाडौँ : हज समितिले हज आवेदनका लागि पहिले पेश गरिएका कागजात नष्ट वा हराएमा चिन्ता लिन आवश्यक नभएको जनाएको छ। समितिका अनुसार आवश्यक कागजात फेला नपरेका व्यक्तिहरूले रकम जम्मा गरेको भौचर सहित पुनः आवेदन दिन सक्ने व्यवस्था मिलाइएको छ।
समितिले जारी गरेको सूचनामा हज प्रयोजनका लागि रकम जम्मा भइसकेका भए सोको प्रमाणसहित आवेदन पेश गर्न आग्रह गरिएको छ। साथै, तोकिएको समयसीमाभित्र सम्पूर्ण आवश्यक कागजात संलग्न गरी पुनः आवेदन दिन अनुरोध गरिएको छ।
हज समितिले यसअघि नै आवेदन प्रक्रियामा देखिएका प्राविधिक र कागजी समस्याबारे जानकारी दिँदै सहज ढंगले समाधान गर्ने प्रतिबद्धता व्यक्त गरेको थियो। यस कदमले आवेदन दिन इच्छुक श्रद्धालुहरूलाई सहज हुने समितिको अपेक्षा छ।